خسارة القمة و كوارث إدارة فايلر…نقاط يجب الوقوف عندها

خسارة القمة و كوارث إدارة فايلر…نقاط يجب الوقوف عندها

بعد الخسارة اليوم أمام الزمالك ، يجب الوقوف علي الكوارث التي قد ظهرت في الأداء الأهلاوي اليوم . بداية من التشكيل ، ليه بتلعب من غير جناح يمين و ا

سر أزمة مؤمن زكريا 4 مليون جنيه والأهلى يرفض مساواته بالكبار الثلاثة
قائمة الأهلي لمواجهة الترجي … و موقف متولي
المقاولون يوضح تفاصيل مفاوضات طاهر محمد

بعد الخسارة اليوم أمام الزمالك ، يجب الوقوف علي الكوارث التي قد ظهرت في الأداء الأهلاوي اليوم . بداية من التشكيل ، ليه بتلعب من غير جناح يمين و انت عندك جيرالدو و وليد سليمان؟ اللعب الشوك الأول كله منغير جناح يمين قتل هجوم الأهلي ، و دفاعه برضه ! ديانج و السولية و حمدي فتحي محدش منهم عنده الإمكانيات إنه يؤدي وظائف الجناح فهجوميا الجبهة اليمين اختفت . دفاعيا بقا برضه مفيش جناح يمين يساند الظهير اليمين ، و الأسوأ أيضا هو اختيار محمد هاني في مركز الرايت باك! بص كده علي جول الزمالك الأول، سوء تغطية من محمد هاني خلت الزمالك يركب الماتش.
عمق دفاع الأهلي غائب تماماً، الكور الطولية من الزمالك كانت بتكسر خط دفاع الأهلي بكل سهولة . ده غير الجول التاني و التالت إلي مفيش فيهم اي تغطية. اللوم يتحط علي ياسر ابراهيم و أيمن أشرف (الي مش عارف إزاي يلعب بدل ربيعة) و برضه لعيبة خط الوسط إلي بتنعدم منهم المساندة للدفاع. دفاع الأهلي ككل كان هش جدا النهاردة، بص بس علي دفاع الزمالك و الكثرة العددية و التمركز بتاعهم و قارن.
الأهلي النهاردة عاني من عقم هجومي تام . و ده طبيعي لما تلعب بجناح واحد طول الشوط الأول ، و لما تلاعب فريق دفاعيا منظم زي الزمالك . المطلوب إن الأهلي كان يلعب ماتش طويل و يصبر لحد ميكسر دفاع الزمالك متغير اي استعجال في الملعب. بس رعونة الدفاع حطت الفريق تحت ضغط و فتحت مساحات دفاعية اكتر . لا صح احنا لما اتعادلنا مكنش فيه دفاع برضه فهو مفيش دفاع في كل الحالات.
المساحات كبيرة جدا بين خطوط الفريق . ده فشل بدني و سوء تعليمات من المدرب ، لما الفريق يكون مش عارف ينقل الكورة من ورا لقدام بسبب المساحات طبيعي جدا يكون في بطئ شديد في صناعة الهجمة. حط علي كده سوء أداء أفشة الي مدربنا برضه بيعاند و بيلعبه و مش بيدي فرصة لصالح.
علامات استفهام كتير ، و أخطاء لازم تتصلح ، و تغييرات جذرية لازم تتعمل لو عايزين حتي أداء مشرف في افريقيا.

COMMENTS

WORDPRESS: 0
DISQUS: 0