الأهلي السيء يتعادل مع سيراميكا بسبب الاخطاء المتكررة

الأهلي السيء يتعادل مع سيراميكا بسبب الاخطاء المتكررة

الأهلي سيء للغاية حقيقة لا يمكن انكارها الاعتماد على رمي الكرات الطويلة لاينبغي ان تكون الاسلوب الهجومي للنادي الأهي بأي حال من الاحوال خاصة لما يكون

موقف رمضان صبحي من المشاركة امام صنداونز ؟
بيسيرو: ندمت علي رحيلي من الأهلي…و الزمالك فاوضني بعد رحيلي
بعد تجاوزات يافطة نادي القرن، الأهلي ينذر مرتضي علي يد محضر

الأهلي سيء للغاية حقيقة لا يمكن انكارها

الاعتماد على رمي الكرات الطويلة لاينبغي ان تكون الاسلوب الهجومي للنادي الأهي بأي حال من الاحوال خاصة لما يكون المهاجم بتاعك لا يكسب اي كرة عالية مع المدافعين

المدرب شايف الوقت بيجري و فرقته مش عارفة تعمل هجمة واحدة و عمال يلف و يكلم الدكة

مطلوب مساعد مصري قوي صاحب قرار فورا في جهاز موسيماني لكن ما يحدث الآن هزار

و بكل صراحة  بيرسي تاو و ميكيسوني يمكن استبدالهم بأي اثنين ناشئين من الأهلي من الذين لعبوا الكأس التنشيطي لاتحاد الكرة المصري ايام كأس الامم

ما قيمة ان تملك لاعب ثمنه ٣ مليون يورو و لا يقدم اي اضافة للفريق و هناك لاعبين في الدوري قيمتهم ٢٠٠ الف يورو و يتفوقون عليه تماما

ضربة الجزاء صحيحة المهاجم وصل للكرة و لعبها و بتتحسب فاول عادي جدا خارج منطقة

الجزاء

البطء شديد جدا و هدف سيراميكا دليل على هذا البطء شوف مدافع الأهلي اللي باسم مرسي جاي من وراه

الأهلي محتاج لثورة شاملة نشكر موسيماني على افريقيا لكن الدوري المصري محتاج شغل ثاني خالص

ربنا يعوضنا خير السبت القادم امام وفاق سطيف ا

و هذه عينة من اراء جمهور الأهلي على السوشيال ميديا نرجو من الادارة ان  تستمع لهم بهدوء

نقول كلمتين اخرناهم كتير
اى خد هاجم وائل جمعه فعلا ما بيفهمش كوره
الاهلى عاجز فنيا قدام فرقتين فى النص التانى من الجدول فرقه مش عايزه تهاجمك طول الماتش الجيش يعنى
وفرقه لعبت على لعبه واحده جابت منها جون و كل مدرب نعدى بيعلم على موسيمانى وياخد اللى هو عايزه
اللى فارق مع الاهلى الجماهير وده بيظهر فى افريقيا و اداء فردى لكام لاعب
منهم معلول غيابه عن الاهلى كارثه حقيقيه وهو فى اسوء حالاته مفتاح لعب لاغنى عنه و كذلك الشناوى اللى شايل عنك كتير و ثلاثى نص الملعب اللى استهلك حرفيا
والخط الامامي للاهلى كارثى

منظومه دفاعيه صفر
ضغط صفر
روح صفر
دوافع برضه صفر

انا شايف ان الجيل ده من اللاعيبه مش زى الاجيال السابقه اللى عندها روح ودم.
شايف ان المدير الفنى مهم جدا مع جيل زى ده
انا للاسف مش شايف او تطور للاعب واحد مع موسيمانى لا فى للعيبه كتير مستواه بيتراجع وتفقد الثقه بطريقه ممنهجة من المدرب
مكيسونى اقل من الاهلى بكتير وانت اللى جايبه
تاو لاعيب كواليتي كويسه لكن بدنيا صفر و مفيش روح يصاغ
طاهر مش لاقى نفسه فى الاهلى
حسين الشحات ماتش كويس وعشره لاء نفس الكلام افشه

الاهلى للاسف محتاج للعيبه شباب كتير ارجع
اكرم وعمار مع عبدالقادر
كهربا برقبه كل ونجات مصر

الاهلى محتاج تدعيم فنى
محتاج مساعد مصرى قوى مع سامى قمصان المهمه كبيره عليه لوحده

محتاجين مدرب احمال غير ده وواضح ان الاهلى بدنيا مش قادر
حمدى فتحى اللى بتضرب بيه المثل مش قادر يجرى
السوليه وعبدالمنعم اتصابوا ليه

مع تدعيمات مهمه جدا وعلى وجه السرعه رايى بعد انتهاء بطوله افريقيا ايا كانت النتيجه رحيل موسيمانى واجب
قضى على هويه الاهلى تماما
الاهلى ما بيكسبش الكوره التانيه مع اى فريق حتى لو بتصارع على الهبوط و طبعا ده سوء انتشار وده شغل مدرب
دائما نص الملعب انت بتفقده
فين شخصيه الاهلى فين الاداء الجماعى
ايه الكورات الطويله الغريبه دى
انت فين على الخط
ايه التغييرات دى لعاشر مره تكون محتاج تكسب
واول حاجه اعملها تخرج المهاجمين بتوعك
شريف و صلاح محسن وطاهر
وانزل محمد محمود و كريم فواد
محمود وحيد لازم يمشي ايمن اشرف مستواه متراجع تماما
مكي و تاو بالسلامه ومعاهم موسيمانى حتى لو اخذنا بطوله افريقيا
وكلامى مش انفعاله خالص انا بتكلم كوره

موسيمانى يغتال شخصيه الاهلى وروح الفريق الجماعى ومنظومه الضغط وروح الفالنه الحمراء

COMMENTS

WORDPRESS: 0